Клубтық әлем чемпионатының H тобы аясындағы шешуші матчта "Реал" мен австриялық "Ред Булл Зальцбург" кездесті.
Матчтың 40-минутында Винисиус Жуниор есеп ашты. Осы голдан кейін ойын тізгінін толықтай қолға алған мадридтіктер 45+3 минутта тағы бір рет көзге түсті. Бұл жолы жартылай қорғаушы Федерико Вальверде дәл соққымен жанкүйерлерді қуантты.
Ойынның соңғы бөлігінде, 84-минутта шабуылшы Гонсало Торрес үшінші голды соғып, есепті 3:0-ге жеткізді. Бұл нәтижемен корольдік клуб жеңісті сенімді түрде иеленді.
Бұл жеңіс арқылы мадридтіктер топтық кезеңді 7 ұпаймен бірінші орында аяқтап, Клубтық чемпионаттың 1/8 финалына жолдама алды. Ал "Зальцбург" 4 ұпаймен үшінші орынға тұрақтап, жарысты осы кезеңде аяқтады. Сонымен қатар осы топтан "Әл-Хилал" бес ұпаймен плей-оффқа шықты.
