ҚПЛ-дың 14-турында "Тобыл" мен "Жеңіс" арасындағы ойын голдарға бай болып, күтпеген нәтижемен аяқталды. Қостанайлық клуб өз алаңында камбэк жасап, бір ұпаймен шектелді.
Ойын басталысымен-ақ астаналықтар сенсация жасауға кірісті. Қонақтар сапынан 15-минутта Адилио есеп ашты. Ал 32-минутта Аслан Әділ тағы бір гол соғып, басымдықты еселей түсті.
Қостанайлық жанкүйерлердің үміті бірінші таймның соңында қайта жанды. 41-минутта Николай Сигневич алыстан дәл соққы жасап, есепті қысқартты. Бұл гол алаң иелерінің рухын көтеріп, екінші таймға сеніммен шығуға мүмкіндік берді.
Матчтың екінші бөлігінде қонақтар айып алаңында қолмен ойнап қойды. Төреші он бір метрлік айып добын белгіледі. Пенальтиді Ислам Чесноков мүлт кетпей орындады.
Осы ойыннан кейін "Тобылдың" ұпай саны 28-ге жетті. Қостанайлықтар турнирлік кестеде төртінші орынға түсті. Ал "Жеңіс" 14 ұпаймен орталықта тұрақтады.
