ҚФФ Атқару комитеті қабылдаған шешімге сәйкес, Премьер-лига өнер көрсететін командалар саны келе жылдан бастап артпақ.
ҚФФ Атқару комитетінің бүгінгі отырысында маңызды шешім қабылданды — 2026 жылғы маусымнан бастап Қазақстан Премьер-лигасында (ҚПЛ) 16 команда бақ сынайды. Бұл өзгеріске сәйкес, элитадан тек бір клуб түседі, ал Бірінші лигадағы үш үздік ұжым жоғары дивизионға көтеріледі.
ҚПЛ-2025 маусымында турнир кестесінің соңында «Атырау» орналасқан (12 ұпай). Одан үш ұпай жоғары «Тұран» тұр, ал одан кейін бес ұпай айырмашылығымен жезқазғандық «Ұлытау» бар. Осылайша, турнир соңындағы әрбір ұпай командалардың тағдырын шешетін сәтке айналуда.
Бірінші лигада тартыс та қызып тұр. Қазір көш басында 50 ұпай жинаған «Каспий» (Ақтау). Одан екі ұпайға артта – «Ертіс» (Павлодар). Ал 41 ұпайдан жинаған «Алтай» (Өскемен) мен «Шахтер» (Қарағанды) де алғашқы үштікке таласып жатыр.
Атқару комитетінің отырысында тағы бір маңызды шешім жарияланды. Қазақстан ұлттық құрамасының бас бапкері Әли Әлиев қызметінен кетті.
