Алғаш рет Еуропаның басты додасының негізгі кезеңіне шыққан алматылық «Қайрат» жанкүйерлер үшін үлкен мереке сыйламақ. Мадридтік «Реалға» қарсы ойынға Испаниядан мыңдаған қонақ келеді деп жоспарланған.
Испанияның Қазақстандағы елшісі Луис Франсиско Мартинес Монтеса мәлімдегендей, Алматыға 1000-ға жуық «Реал» жанкүйері ат басын бұрмақ. Одан бөлек, Испаниядан 15–20 журналист, мадридтік клубтың баспасөз қызметі өкілдері және халықаралық трансляция топтары келеді.
Жалпы алғанда әртүрлі елдерден 5 мыңға дейін шетелдік туристің Алматыға ағылуы мүмкін екені айтылды. Бұл – Қазақстан футбол тарихындағы ең ірі жанкүйерлік ағындардың бірі болмақ.
Күні: 30 қыркүйек
Өтетін орны: Алматы, Орталық стадион
Билеттер: ойынның басталуына 10 күн қалғанда сатылымға шығарылады
Бұл кездесу ел тарихында ерекше орын алатыны анық. Себебі «Қайрат» тұңғыш рет Чемпиондар лигасының топтық кезеңінде өнер көрсетпек.
Мадридтің «Реалы» ғана емес, алматылық клубқа Еуропаның алпауыт командалары қарсылас болмақ:
