Футболдан Қазақстан Премьер-Лигасының (ҚПЛ) 23-турындағы «Атырау» — «Тобыл» матчы жанкүйерлер үшін нағыз сенсация болды.
Алғашқы тайм голсыз аяқталды. Дегенмен үзілістен кейін алаң иелері алға ұмтылып, дегендеріне жетті. 66-минутта Ян Труфанов баспен соққы жасап, «Атырауға» жеңіс сыйлады.
Бұл жеңістен кейін «Атырау» 15 ұпай жинап, турнир кестесінің соңында қалды. Ал «Тобыл» 44 ұпайымен үшінші орында тұр.
