Қазақстан Премьер-лигасының 24-турында Көкшетаудың «Оқжетпесі» өз алаңында елордалық «Астанамен» кездесті.
Елордалық клуб алғашқы минуттардан-ақ қысым көрсетті. 5-минутта қақпа алдында Назми Грипшині қорғаушылар шалып жықты. Ол пенальтиді өзі орындап, есепті ашты.
Кейін алаң иелері шабуылды күшейтті. Бірақ 81-минутта тағы да өз айып алаңында қолмен ойнау тіркеліп, төреші пенальти белгіледі. Грипши бұл мүмкіндікті де қалт жібермей, дубль авторы атанды.
Қосымша уақытта Әрсен Әшірбек бір гол соғып, айырмашылықты қысқартты.
Бұл жеңістен кейін «Астана» 52 ұпаймен турнир кестесінде көш бастады. Олар бір ұпай айырмашылығымен «Қайратты» артта қалдырды. Ал «Оқжетпес» 32 ұпаймен жетінші орында тұр.
