Атақты неміс жаттықтырушысы Юрген Клопп бапкерлік мансабын ресми түрде тәмамдады.
2025 жылы Клопп Red Bull футбол құрылымының жаһандық даму жетекшісі қызметіне ауысып, толықтай басқарушылық жұмысқа ден қойды. Осыдан кейін ол бапкерлікке қайта оралмайтынын мәлімдеді.
«Ливерпульден» кеткен соң біраз демалдым. Өмірден ләззат алдым, немерелеріммен уақыт өткіздім. Бірақ жұмыстан ұзақ қол үзе алмайтынымды білдім. Дегенмен бас бапкер ретінде оралу ықтималдығым өте төмен. Қайтып келмеймін бе? Иә, солай ойлаймын. Бірақ болашақты нақты айта алмаймын», – деді Клопп The Athletic-ке берген сұхбатында.
«Майнц 05» (2001–2008)
Клопп алғаш бапкерлік жолын туған елі Германиядағы «Майнц 05»-тен бастады. Ол сегіз жыл ішінде команданы Бундеслигаға қайта алып шықты және клуб тарихында ерекше із қалдырды.
«Боруссия Дортмунд» (2008–2015)
Келесі қадамы – дортмундтық «Боруссия». Мұнда Клопп екі рет Германия чемпионы атанып, 2013 жылы УЕФА Чемпиондар лигасының финалына дейін жетті. Оның ойын мәнері, эмоцияға толы басшылығы жанкүйерлер жүрегін жаулап алды.
«Ливерпуль» (2015–2024)
Клопптың соңғы аялдамасы – Англиядағы «Ливерпуль». Тоғыз жыл ішінде ол команданы қайтадан әлемдік футбол шыңына көтерді. Оның басшылығымен клуб Чемпиондар лигасын, Премьер-лиганы және басқа да беделді трофейлерді иеленді.
Юрген Клопп футбол тарихында эмоция мен тактиканы ұштастырған бірегей жаттықтырушы ретінде есте қалды. Ол басқарған клубтар тек нәтижемен емес, жанкүйерлік рухымен де ерекшеленді.
