«Қайрат» – «Реал» матчы: жанкүйерлер стадионға баса-көктеп кірмек болды (ВИДЕО)
Чемпиондар лигасының екінші тур ойыны кезінде ерекше жағдай болды. «Қайрат» пен «Реал» арасындағы кездесу басталғаннан кейін бірқатар жанкүйер кез келген жолмен стадионға кірмек болып, тәртіп сақшыларымен қақтығысты.
Оқиға сәті GOAL24 арнасында жарияланған бейнежазбада анық көрінеді. Кадрлардан жанкүйерлердің полиция қоршауын бұзып өтуге тырысқанын байқауға болады.
Материал жарияланған сәтте мадридтік «Реал» алматылық «Қайраттан» 3:0 есебімен алда келе жатты. «Реал» сапында үш голды Килиан Мбаппе соқты. Ол 25-минутта пенальтиден, 52-минутта ойын сәтінде және 74-минутта көзге түсті.
Айта кетсек, бұл – жалпы кезеңнің екінші туры. Алдыңғы матчта «Қайрат» сырт алаңда «Спортингтен» 1:4 есебімен жеңіліп қалған, ал «Реал» өз алаңында «Марсельді» 2:1 есебімен тізе бүктірген.