Жасанды интеллект ҚПЛ күнтізбесін құрастырады

ЖИ қандай факторларды есепке алады?

Күнтізбені қалыптастыру кезінде бір ғана “бос күндер” емес, бірнеше маңызды шарт қатар назарға алынбақ. Атап айтқанда:

• көктем және күз айларындағы бірқатар қалалардағы орташа ауа температурасы;
• жылытылатын жасанды алаңдардың бар-жоғы;
• жабық футбол ареналарының қолжетімділігі;
• клубтардың еурокубок матчтары;
• ұлттық құрамалардың ойындары мен халықаралық күнтізбе;
• турлардың орталық матчтары (көшбасшы командалар қатысатын ойындар);
• логистика, стадион жүктемесі және өзге де ұйымдастырушылық нюанстар.

Клубтарға алдын ала жоба жіберіледі

Ақпаратқа сәйкес, ҚФФ клубтарға күнтізбенің жұмыс нұсқасын жолдап, оны ортақ талқылауға ұсынбақ. Яғни командалар ұсыныс айтып, кестедегі кей тұстарды нақтылау мүмкіндігіне ие болады.

Қазақстанда жаңа футбол маусымы 28 ақпанда басталады. Сол күні Суперкубокта Алматының «Қайрат» клубы мен Қостанайдың «Тобыл» командасы кездеседі.

Ал Премьер-Лиганың алғашқы туры 7–8 наурызға жоспарланған.