Қарағандылық "Шахтёр" ФК академиясының басшысы болып қазақстандық маман Сергей Якушин тағайындалды.
Команданың мәліметінше, Якушин — UEFA PRO лицензиясының иегері және Қазақстанда да, шетелде де жұмыс істеп көрген тәжірибелі бапкер. Ол әр жылдары Қазақстан Премьер-Лигасында, Бірінші лигада және халықаралық чемпионаттарда бас бапкер, сондай-ақ көмекші бапкер қызметтерін атқарған.
Клуб жариялаған ақпаратта маманның негізгі бағыты — жас футболшыларды дамыту және командалық құрылымды жүйелеу.
Сергей Якушин әр кезеңде Беларусь, Кипр және Қазақстан клубтарында еңбек еткен. Сонымен бірге бірқатар танымал командаларда тағылымдамадан өткен:
Бұдан бөлек, ол жасөспірімдер футболы бағытында тәжірибесі мол маман ретінде Elite Youth UEFA A лицензиясымен жұмыс істейтіні де айтылды.
Якушиннің соңғы қызметі — Беларусьтің Дзержинск қаласындағы "Арсенал" клубында бас бапкердің көмекшісі. Ал 2024 жылы павлодарлық "Ертістің" бас бапкері қызметін атқарды.
Айта кетейік, "Шахтёр" — Қазақстан чемпионатының (ҚПЛ) екі дүркін чемпионы.
Қазір клуб Бірінші лигада өнер көрсетіп жүр. Бұған дейін команда Қазақстандағы танымал кәсіпкер Тимур Турловтың иелігіне өтті.
