Лондондық "Челси" 41 жастағы ағылшын маманы Лиам Розеньордың команда бас бапкері болып тағайындалғанын ресми түрде жариялады.
Розеньор қызметінен кеткен Энцо Маресканың орнына келді.
Жаңа бапкер "Челсидің" жеңімпаздық рухын сақтап, әр ойында сол болмысқа сай команда құруды мақсат ететінін айтты. Сондай-ақ ұжымдық жұмыс, бірлік және ортақ жауапкершілік оның басты қағидалары болатынын жеткізді.
Розеньор соңғы уақытта Францияның "Страсбур" клубын басқарды. Бірінші маусымында командаға 19 жылдан кейін алғаш рет еурокубок жолдамасын алып берді.
Сонымен бірге «Страсбур» Конференция лигасының ағымдағы маусымындағы жалпы кезеңде жоғары нәтиже көрсетті.
Қазір "Челси" АПЛ кестесінің үздік бестігіне жақын жүр. Команданың келесі ойыны — "Фулхэмге" қарсы сырт алаңдағы матч.
