"Астана" әйгілі "Спартакқа" жеңілген жоқ

Тең нәтижемен аяқталған ойын

9-минутта "Спартак" сапында ганалық қорғаушы Александр Джику есеп ашты. Ал 71-минутта хорватиялық футболшы Карло Бартолец "Астананы" жеңілістен құтқарды. 

Мәскеулік клуб Ресей футболындағы ең титулды командалардың бірі саналады:

• КСРО-ның 12 дүркін чемпионы,
• Ресейдің 10 дүркін чемпионы,
• КСРО Кубогының 10 дүркін иегері,
• Ресей Кубогын 4 рет жеңіп алған.

Қазіргі маусымның РПЛ (Ресей Премьер-лигасы) алғашқы бөлімі қорытындысы бойынша "Спартак" турнир кестесінде 6-орында тұр.

"Астананың" Дубайдағы дайындығы қалай өтіп жатыр?

"Спартакпен" ойын — елордалық клуб үшін шетелдегі оқу-жаттығу жиынындағы үшінші матч. Бұған дейін "Астана" жергілікті "Arabian Falcons" командасын 3:2 есебімен ұтты және Арменияның "Ноа" клубымен 0:0 тең ойнады.

Дубайдағы жиын аясында "Астананы" әлі екі кездесу күтіп тұр. Олар: Қытайдың "Чжэцзян Профешнл" клубы және Өзбекстанның "Динамо Самарқанд" командасы.