Үшінші тур аясында Қазақстан жастары Тәжікстан құрамасымен матч өткізді.
Минскіде (Беларусь) 17 жасқа дейінгі Қазақстан мен Тәжікстан жасөспірімдер құрамалары арасында Даму кубогының матчы өтті.
Қазақстан U-17 құрамасы алаңға мынадай бастапқы құраммен шықты:
Есеп матчтың үшінші минутында ашылды — тәжікстандық футболшылар бұрыштама добын сәтті орындап, соның нәтижесінде Мунавар Анварзод допты қақпаға тоғытты. 32-минутта қазақстандық жасөспірімдер де корнерді тиімді пайдаланып, Ануар Төленді таразы басын теңестірді. Кездесудің соңына қарай Қазақстан жасөспірімдер құрамасы тағы екі рет мергендік танытты — Ислам Рақым мен Роман Черноморец гол соқты. Қорытынды есеп — 3:1, Қазақстан U-17 құрамасының пайдасына.
Еске салайық, бұған дейін Даму кубогында Қазақстан Минск құрамасының құрдастарын 3:1 есебімен жеңіп, кейін Беларусь командасына 0:2 есебімен есе жіберген болатын.
