"Қызыл-ақтар" Түркияда өтіп жатқан оқу-жаттығу жиындарын жалғастыруда.
Белекте (Түркия) "Ақтөбе" мен ресейлік "Сочи" клубы арасында жолдастық матч өтті.
Кездесу ресейліктердің 3:0 есебімен ірі жеңісімен аяқталды. Есеп жетінші минутта Михаил Игнатовтың голынан кейін ашылды. 35-минутта Антон Зиньковскийдің дәл соққысы "Сочидің" басымдығын еселей түсті. Ал 80-минутта Игнатов дубль авторы атанып, "Ақтөбе" қақпасына үшінші допты енгізді.
"Ақтөбенің" жұлдызды жаңа ойыншысы, португалиялық Нани алаңға матчтың екінші таймында шықты.
18 турдан кейін "Сочи" Ресей Премьер-лигасының турнирлік кестесінде соңғы, 16-орында тұр. Ал "Ақтөбе" өткен маусымда Қазақстан Премьер-лигасын бесінші орынмен аяқтаған болатын.
