ҚПЛ клубтары легионерлерсіз қалуы мүмкін

Қазақстан футболында жаңа өзгеріс болуы мүмкін. Қазақстан футбол федерациясы (ҚФФ) ел кубогының алғашқы кезеңінде Премьер-лига клубтарына легионерлерсіз ойнауды ұсынбақ. Бұл туралы AmanVIBE телеграм-арнасы хабарлады. 

Ақпарат көзінің мәліметінше, қазіргі уақытта Қазақстан кубогының 1/16 финалында легионерлердің қатысуына қатысты нақты шешім қабылданған жоқ. Дегенмен ҚФФ клубтарға мынадай ұсыныс жасамақ:

• алғашқы кезеңде мүлде легионерсіз ойнау;
• немесе шетелдік ойыншылар санын шектеу.

Соңғы шешім клубтармен кеңескеннен кейін қабылданады.

Қазақстан кубогының алғашқы ойындарына шамамен 20 күндей уақыт қалды.

1/16 финал матчтары:

• 8–9 сәуір күндері өтеді
• командалар бұл кезеңде бір ғана ойын өткізеді.

Турнирге кім қатысады?

Қазақстан кубогына:

• ҚПЛ клубтары;
• Бірінші лига командалары;
• Екінші лига ұжымдары;
• әуесқой клубтар қатысады.

Турнир жеңімпазы келесі маусымда еурокубок жолдамасына ие болады.

Айта кетейік, қазіргі таңда Қазақстан кубогының иегері — қостанайлық "Тобыл" клубы.