Әліп, Самородов және Сәтпаев: Талғат Байсуфинов нақты тізімді жариялады (ВИДЕО)
Футболдан Қазақстан құрамасының Армения және Венгрияға қарсы жолдастық матчтарға арналған соңғы құрамы жарияланды.
Тізімде 25 ойыншы бар
Қазақстан құрамасының бас бапкері Талғат Байсуфинов маусым айындағы жолдастық кездесулерге шақырылған футболшылардың қорытынды тізімін бекітті.
Қазақстан футбол федерациясының мәліметінше, ұлттық құрама алдағы айда сырт алаңда екі жолдастық матч өткізеді. 6 маусымда Армениямен, ал 9 маусымда Венгриямен кездеседі.
Талғат Байсуфинов оқу-жаттығу жиыны мен алдағы ойындарға жалпы 25 ойыншыны шақырды. Құрамға Қазақстан премьер-лигасында өнер көрсететін футболшылармен қатар, шетел чемпионаттарында ойнап жүрген легионерлер де енді.
Атап айтқанда, Ресейдің "Зенит" клубында ойнайтын Нұралы Әліп, Грозныйдың "Ахмат" командасындағы Максим Самородов пен Ғалымжан Кенжебек, сондай-ақ Шотландияның "Хартс" клубындағы Ислам Чесноков ұлттық құрама сапына шақырылды.
Қазақстан құрамасының толық тізімі
Қақпашылар
- Темірлан Анарбеков — «Қайрат»
- Александр Заруцкий — «Ақтөбе»
- Бекхан Шайзада — «Ордабасы»
Қорғаушылар
- Нұралы Әліп — «Зенит», Ресей
- Александр Мрынский — «Қайрат»
- Еркін Тапалов — «Қайрат»
- Ян Вороговский — «Астана»
- Әлібек Қасым — «Астана»
- Сергей Малый — «Ордабасы»
- Әрсен Әшірбек — «Елімай»
- Санжар Сатанов — «Атырау»
- Сағи Совет — «Қайсар»
Жартылай қорғаушылар
- Рамазан Оразов — «Елімай»
- Жасұлан Әмір — «Ордабасы»
- Исламбек Қуат — «Жеңіс»
- Дінмұхамед Қараман — «Астана»
- Серікжан Мұжықов — «Жетісу»
- Әбинұр Нұрымбет — «Оқжетпес»
Шабуылшылар
- Дастан Сәтпаев — «Қайрат»
- Ғалымжан Кенжебек — «Ахмат», Ресей
- Максим Самородов — «Ахмат», Ресей
- Ислам Чесноков — «Хартс», Шотландия
- Роман Мұртазаев — «Елімай»
- Мағжан Тоқтыбай — «Ордабасы»
- Мақсат Абраев — «Астана»