"Астана" 93-минутта жеңісті уысынан шығарып алды (ВИДЕО)

Басманов "Астананы" алға шығарды

Кездесудің алғашқы бөлігінде екі команда да шабуылда аса қауіпті сәттер ұйымдастыра алмады. Қарсыластар сақ ойнап, үзіліске дейін есеп ашылған жоқ.

Екінші таймда ойын қарқыны арта түсті. Алдымен "Қызылжар" футболшысы Йоханнес Бьорталидтің соққысы қақпа бағанасына тиді. Кейін "Астана" өз мүмкіндігін тиімді пайдаланды. Станислав Басманов айып алаңының сыртынан дәл соққы жасап, елордалық клубты алға шығарды.

Бірақ қонақтар жеңісті есепті сақтап қала алмады. Матчтың 93-минутында Неделько Пищевич гол соғып, "Қызылжарды" жеңілістен құтқарып қалды. 

"Астананың" турнирлік жағдайы

Осы тең ойыннан кейін "Астананың" еншісінде 39 ұпай болды. Елордалық клуб Қазақстан Премьер-лигасының турнирлік кестесінде үшінші орында тұр.

Ал "Қызылжар" 23 ұпаймен чемпионат кестесінің орта тұсында келеді.