16 жастағы қазақ футболшысы "Бенфика" сапында көзге түсті

Қазақстандық вингер Португалия чемпионатының U-17 турниріндегі үшінші тур аясында "Насьоналға" қарсы кездесуге қатысып, алаңда 58 минут өткізді.

Команданың ірі жеңісіне үлес қосты

Матч барысында қазақстандық шабуылшы гол алдындағы шабуылға қатысып, пас берді. Нәтижесінде команда кездесуді 5:1 есебімен жеңіп, кезекті ұпайға қол жеткізді.

Айта кетейік, осы жазда Шыңғыс Әлікеев "Бенфика" құрамында Швейцарияның Санкт-Галлен қаласында өткен International Inclusion Cup халықаралық турнирінде күміс жүлдеге ие болды. Турнирдің финалында португалиялық команда қазақстандық "Қайратқа" 0:1 есебімен жол берген. Ойындағы жалғыз голды алматылық клубтың ойыншысы Роман Черноморец соқты.