"Барселона" Холанд пен Докуды өзіне тартпақ
Каталондық клуб делдалдар арқылы ағылшын командасының басшылығына шығып, екі футболшы бойынша келіссөз жүргізуге дайын
"Барселона" алдағы жазғы трансферлік кезеңде "Манчестер Ситидің" екі шабуылшысын өзіне тартпақ. Каталондық клуб Эрлинг Холанд пен Жереми Докуға қызығушылық танытып отыр.
indykaila News мәліметінше, каталондық клуб делдалдар арқылы ағылшын командасының басшылығына шығып, екі футболшы бойынша келіссөз жүргізуге дайын екенін жеткізген.
Дереккөздің хабарлауынша, "Барселона" Холанд пен Докуды келесі жазда сатып алу мүмкіндігін қарастыруда. Алайда қазіргі уақытта клубтар арасында ресми келіссөз басталғаны немесе нақты ұсыныс жасалғаны туралы ақпарат жоқ.
Холандтың келісімшарты 2034 жылға дейін
Эрлинг Холанд "Манчестер Сити" сапында 2022 жылдың жазынан бері өнер көрсетеді.
Норвегиялық шабуылшы осы маусымда барлық турнирді қосқанда 11 матчқа қатысып, 13 гол соқты. Оның "Манчестер Ситимен" қазіргі келісімшарты 2034 жылдың жазына дейін жарамды.
Доку да ұзақмерзімді келісімге байланған
Жереми Доку ағылшын клубына 2023 жылдың жазында қосылды. Бельгиялық вингер осы маусымда алты матч өткізіп, бір гол және бір нәтижелі пас тіркеді.
Докудың "Манчестер Ситимен" келісімшарты 2031 жылдың жазына дейін есептелген.