Ұлттар Лигасы: Қазақстан тағы да жеңілді (ВИДЕО)

Футболдан Қазақстан құрамасы Ұлттар лигасындағы кездесуде тағы да жеңілді. Бұл жолы біздің жігіттер Словения құрамасына есе жіберді. Матчтағы жалғыз голдың авторы – Ян Млакар (55-ші минут). 

Черчесов шәкірттері кездесуді өте ширақ бастап, Ян Облак қақпасын бірнеше мәрте нысанаға алған болатын. Алайда қазақстандық футболшылар гол соға алмады. 

Үзілістен кейін Словения жігіттері өздерінің тәжірибе жағынан бір бас жоғары екенігін көрсетіп, 0:1 есебімен матчты өз пайдаларына шешті. 

Айта кетейік, Қазақстан құрамасы Ұлттар лигасы аясында 4 матч өткізіп, үшеуінде жеңіліп қалды. Тек Норвегиямен тең тарқасты. Десе де, кездесулердің ешқайсысында қарсыласқа гол соға алмады.