Биыл Роналду қанша табыс тапты?

Кубеев Алихан

Редактор Penalty.kz

21.10.2024, 12:15

Португалия құрамасының ойыншысы 2024 жылы тапқан ақшасы жарияланды.

snob.ru

Әлемдегі ең танымал футболшы Криштиану Роналду 2024 жылы ең көп табыс тапқан ойыншылар тізімінің көшін бастады. The Sun басылымының мәліметінше, Роналду биыл 218 миллион фунт стерлинг (шамамен 260 миллион еуро) табыс тапқан. Бұл соманың үлкен бөлігі — 168 миллион фунт — "Аль-Наср" клубындағы жалақысы, ал қалғаны жарнамалық келісімшарттардан келген қаржы.

Осылайша, Криштиану Роналду күніне 712 мың еуро (373 миллион теңге), сағатына шамамен 30 мың еуро (16 миллион теңге), ал минутына 500 еуро (260 мың теңге) табады.

2024 жылы ең көп табыс тапқан 10 футболшының тізімі:

Криштиану Роналду ("Аль-Наср") — 260 миллион еуро;
Лионель Месси ("Интер Майами") — 123 миллион еуро;
Неймар ("Аль-Хиляль") — 101 миллион еуро;
Карим Бензема ("Аль-Иттихад") — 95 миллион еуро;
Килиан Мбаппе ("Реал") — 82 миллион еуро;
Эрлинг Холанд ("Манчестер Сити") — 55 миллион еуро;
Винисиус Жуниор ("Реал") — 50 миллион еуро;
Мохаммед Салах ("Ливерпуль") — 49 миллион еуро;
Садио Мане ("Аль-Наср") — 48 миллион еуро;
Кевин Де Брюйне ("Манчестер Сити") — 36 миллион еуро.