Норвегиялық футболшы Чемпиондар лигасында соққан голдар саны бойынша кот-дивуарлық ойыншымен теңесті. Бірақ 50 матч аз ойнаған.
Манчестер Сити шабуылшысы Эрлинг Холанд Чемпиондар Лигасында 44 гол соғып, кәрі құрлықтағы басты турнирдің бомбардирлері тізімінде 16-шы орынға көтерілді. Жуырда ғана норвегиялық ойыншы Чемпиондар лигасының жалпы кезеңінің 3-турында «Спарта» қақпасына 2 гол соққан болатын.
Squawka-ның хабарлауынша, 24 жастағы форвард Чемпиондар лигасындағы голдар саны бойынша даңқты Дидье Дрогбаны (44) қуып жетті. Бірақ, бір қызығы, Холанд аталған турнирде 42 матчқа қатысса, Дрогба 92 кездесу өткізген.
Айта кетейік, бүгінде Эрлинг Холанд әлемдегі ең қымбат футболшылардың бірі. Transfermarkt интернет-порталының мәліметі бойынша оның трансферлік құны € 200 млн шамасында.
