Ағылшындық "Манчестер Сити" клубының және Норвегия ұлттық құрамасының шабуылшысы Эрлинг Холанд Испанияда мансабын жалғастыруы мүмкін, деп хабарлайды Penalty.kz Sky Sports-қа сілтеме жасап.
Ақпарат көздерінің мәліметінше, Холанд Испанияның Ла Лигасында ойнап көруді жоспарлап, мадридтік "Реалға" ауысу идеясын қарастырып жатыр. Өз кезегінде, "корольдік клуб" та норвегиялық форвардқа қызығушылық танытуда.
Екі тарап арасында өзара қызығушылық бар екені атап өтілуде.
Холандтың "Манчестер Сити" клубымен келісімшартында 150 миллион еуро көлеміндегі босату құны көрсетілген. Осылайша, футболшыны осы сомаға трансферлеуге мүмкіндік бар. Эрлингтің "Реалға" ауысуы келесі жазда жүзеге асуы мүмкін.
Еске сала кетейік, Холанд 2022 жылдың жазында дортмундтық "Боруссиядан" "Сити" клубына ауысқан болатын. Бұл трансфер үшін ағылшындықтар неміс клубына 60 миллион еуро төледі.
"Қалалықтар" сапында Холанд 50-ден астам матчқа қатысып, 40-тан астам гол соқты. Ол "Манчестер Ситимен" бірге Англия Премьер-лигасының чемпионы атанып, Чемпиондар Лигасын жеңіп алды.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
