Қазақстанның Австрия мен Норвегияға қарсы ойындарға құрамы жарияланды

Қазақстан ұлттық құрамасының бас бапкері Станислав Черчесов УЕФА Ұлттар Лигасының Австрияға (14 Қараша) және Норвегияға (17 қараша) қарсы өтетін матчтарға шақырылған ойыншылардың кеңейтілген тізімін жариялады. 

Тізімге 37 ойыншы енді. 

Қақпашылар: Игорь Шацкий ("Ақтөбе"), Александр Заруцкий ("Астана"), Стас Покатилов ("Тобыл"), Темірлан Анарбеков ("Жеңіс"); 

Қорғаушылар: Әлібек Қасым ("Ақтөбе"), Александр Марочкин, Ян Вороговский, Марат Быстров (барлығы – "Астана"), Нұралы Әліп ("Зенит", Ресей), Роман Асранқұлов, Еркін Тапалов (екеуі де – "Тобыл"), Лев Скворцов ("Шинник", Ресей), Сергей Малый, Сұлтанбек Астанов (екеуі де – "Ордабасы"), Ұлар Жақсыбаев ("Қызылжар"), Әділбек Жұмаханов ("Атырау"), Мейрамбек Қалмырза, Асхат Балтабеков (екеуі де – "Жетісу"); 

Жартылай қорғаушылар: Асхат Тағыберген, Бауыржан Исламхан, Айбол Әбікен (барлығы – "Ордабасы"), Рамазан Оразов ("Силькеборг", Дания), Максим Самородов ("Ахмат", Ресей), Бактиер Зайнутдинов ("Бешикташ", Түркия), Аслан Дарабаев ("Елімай"), Исламбек Қуат, Абзал Бейсебеков, Эльхан Астанов (барлығы – "Астана"), Ислам Чесноков ("Тобыл"), Андрей Ульшин ("Қайрат"), Ғалымжан Кенжебек ("Акритас", Кипр); 

Шабуылшылар: Абат Аймбетов ("Адана Демирспор", Түркия), Айбар Жақсылықов ("Қайсар"), Оралхан Өміртаев (БАТЭ, Беларусь), Рамазан Кәрімов ("Астана"), Жан Али Пайруз ("Елимай"), Артур Шушеначев ("Сочи", Ресей) ; 

Соңғы тізім анықталғанға дейін құрамда өзгерістер болуы мүмкін. Оқу-жаттығу жиыны 10-шы қарашада Алматыда басталады. 
Естеріңізге сала кетейік, қараша айында Қазақстан құрамасы УЕФА Ұлттар Лигасы аясында екі матч өткізеді. 14-ші қарашада Станислав Черчесовтың шәкірттері Австрия құрамасын қабылдайды.

Ойын Алматының орталық стадионында өтеді. 

Үш күннен кейін біздің команда Норвегия құрамасына қарсы ойнайды. Матч Ослода "Уллеволь" стадионында өтеді. Басталуы - Астана уақыты бойынша сағат 22:00-де.