Парижде өткен "Алтын доп" марапаттау рәсімінде бұл жылдың басты сыйлығын "Манчестер Сити" мен Испания құрамасының жартылай қорғаушысы Родри иеленді, деп хабарлайды Penalty.kz.
Родри "қалалықтар" құрамында Англия Премьер-лигасының чемпионы атанып, Испания құрамасымен Еуро-2024 жеңімпазы болды. Марапат үшін дауыс беруде екінші орынды "Реал" және Бразилия құрамасының шабуылшысы Винисиус Жуниор иеленсе, үшінші орынды Джуд Беллингем алды. Үздік бестікті Даниэль Карвахаль ("Реал") мен Эрлинг Холанд ("Манчестер Сити") толықтырды.
Осылайша, Родри АПЛ-ден "Алтын доп" алған алғашқы футболшы ретінде Криштиану Роналдудың жетістігін қайталады. Португалиялық шабуылшы 2008 жылы "Манчестер Юнайтед" сапында осы беделді марапатқа ие болған еді.
