Париждік "Пари Сен-Жермен" (ПСЖ) клубы мадридтік "Реалдың" 24 жастағы шабуылшысы Винисиус Жуниорды өз қатарына қосуды қатты қалайды, деп хабарлайды Relevo.
Ақпаратқа сәйкес, француз клубының президенті Нассер Әл-Хелаифи жазда Килиан Мбаппенің "ПСЖ"-дан "Реалға" ауысқанына жауап ретінде "корольдік клубтан" кек алғысы келеді.
Сонымен қатар, "Реал" Винисиус Жуниормен келісімшартты ұзарту бойынша жұмыс жүргізіп жатыр. Олар Мбаппенің "ПСЖ"-дағы жағдайының қайталануын қаламайды, яғни қымбат бағалы ойыншының клубтан тегін кетуіне жол бермеуді көздейді. Осы себепті, бразилиялық футболшының 2027 жылдың жазы аяқталатын келісімшартын ұзарту мәселесі талқылануда.
