Ресейлік бапкер Рамазан Қазақстан құрамасы қатарына не себепті қоспағанын түсіндірді.
Қазақстан ұлттық құрамасының бас бапкері Станислав Черчесов Ұлттар лигасы аясында Австрия және Норвегияға қарсы кездесулерге шақырылған ойыншылар тізімінде даниялық «Силькеборг» командасының жартылай қорғаушысы Рамазан Оразовтың болмауын түсіндірді.
"Оразов бізбен бірге жиында болды, қазір ол өз клубында. Соңғы уақытта ол ойнамады, бір ойында тіпті қосалқы құрамда да болмады. Соңғы матчта 4-5 минут қана алаңға шықты. Бүгінгі жағдай осындай. Тапалов жоқ еді, қазір Тапалов қосылды. Абонемент ешкімде жоқ. Сондықтан біз тек футболдық жағдайларды мұқият бақылап отырмыз, қандай да бір жасырын себеп іздеудің қажеті жоқ. Құрамада соңғы матчта ойнамаған Самородов «Ахматта» тұрақты ойнап жүр. Сондықтан ол қазір ұлттық құрамада. Жас футболшыларға мүмкіндік береміз. Құрамада орын шектеулі. Шешімдерді жағдайға байланысты қабылдаймыз", - деді Черчесов журналист Қасымжан Мұқатаевқа берген сұхбатында.
Қазақстан құрамасының жаттықтырушысы сондай-ақ БАҚ өкілдеріне «жекелеген ойыншыларға тым көп назар аудармауды» өтінді.
"Біз бүгін кім дайын екеніне қараймыз. Біз барынша объективті болуға тырысамыз және өздерін көрсеткендерді шақырамыз. Жастар құрамасынан өздерін танытқан төрт футболшы шақырылды. Барлығын мұқият бақылаймыз. Ойыншыларға ешқандай жеке симпатия не антипатия жоқ. Тек таза жұмыс қана. Құдай қаласа, Рамазан қалпына келіп, негізгі құрам ойыншысы болып, ойын тәжірибесін жинақтайды деп үміттенеміз", - деп толықтырды маман.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
