Әлеуметтік желілерде ҚФФ басшылығына Әділбек Жақсыбеков келеді деген ақпар тарап жатыр.
Қазақстан футбол федерациясының (ҚФФ) президенті қызметін Әділбек Жақсыбеков атқаруы мүмкін. Kazakh_football_inside Telegram-арнасында осындай ақпар пайда болды.
Әзірге ҚФФ осыған қатысты ресми мәлімдеме жасаған жоқ. Бір қызығы, Бәрменқұловтың кеңесшісі Ермұхаммед Мәулен Telegram-арнадағы жаңалықпен өз парақшасында бөлісіп, реакция білдірді.
Айта кетейік, бүгін ҚФФ-тың қазіргі президенті Әділет Бәрменқұлов қызметінен кететіні туралы ақпарат тараған болатын.
Естеріңізде болса, Әділбек Жақсыбеков бұл қызметке бұған дейін 2 рет сайланды: 2007-2014 жылдары және 2018 жылдың ақпаны мен 2022 жылдың ақпаны аралығы.
