Сома жарты миллиардтан асады.
Футболдан Қазақстан құрамасының бас бапкері Станислав Черчесов қызметінен қуылса, ҚФФ ресейлік маманға 1 миллион еуро өтемақы төлеуі керек болады. Ұлттық валютаға шаққанда шамамен 530 миллион теңге. Бұл туралы Legalbet.kz хабарлады.
Ал егер бапкер басқа клубқа ауысса, Черчесовтың жаңа жұмыс берушісі Қазақстан футбол федерациясына 1 миллион еуро төлеуге міндеттеледі.
Айта кетейік, кеше Қазақстан футбол федерациясының президенті Әділет Барменқұлов қызметінен кетті. Ол федерацияны 2022 жылдың ақпанынан бері басқарды. Жаңа басшы ҚФФ кезектен тыс конференциясында сайланады. Оның қашан өтетінін әзірге белгісіз.
