Бас бапкер Аустриямен матч алдында осындай мәлімдеме жасады.
Бүгін Қазақстан құрамасы Ұлттар лигасы аясында өз алаңында Аустриямен ойнайды. Кездесу алдында бас бапкері Станислав Черчесов аустриялық басылымға сұхбат беріп, матчқа қатысты ойын айтты.
"Аустрия, Норвегия және Словения – үшеуі де өте мықты команда. Дегенмен, Аустрия тың көрінеді. Норвегияны оңай ұтқаны да кездейсоқ емес. Олар қазір топтың фавориті саналады. Бірақ, біз қандай жағдай болмасын, ұпай алуға тырысамыз", - деді Черчесов kicker.de басылымына берген сұхбатында.
Аустриямен мат өткізген соң Қазақстан құрамасы Норвегияға аттанады. Черчесов шәкірттері 17-ші қараша күні Холланд бастаған құрамаға қарсы кездесу өткізеді.
Еске салайық, Қазақстан құрамасы осы уақытқа дейін Ұлттар лигасында төрт ойын өткізіп, ешқайсысында гол соға алмады. Қазір ұлттық құрама 1 ұпаймен топта ең соңғы орында тұр.
