Жуырда ғана "Зизуға" Карло Анчелоттиді алмастыру туралы ұсыныс түскен болатын.
Француз футболының аңызы, мадридтік "Реалдың" бұрынғы бапкері Зинедин Зидан бапкерлік қызметке қайта оралуы мүмкін. Todofichajes мәліметі бойынша, "Зизу" көптен бері Франция ұлттық құрамасын тізгіндеуді армандайды.
Дидье Дешамның отставкасына қатысты қауесеттерге байланысты ұлттық құрама ойыншылары Зиданның лайықты үміткер екенін басшылыққа жеткізген.
Осы тұста бір айта кетерлігі, Зидан жуырда ғана Карло Анчелоттиді алмастыру туралы ұсыныстан бас тартты.
Дешамға қысым артып келеді. Осы ретте құраманың ойыншыларының қолдауы Франция футбол федерациясының шешіміне айтарлықтай әсер етуі мүмкін. Десе де әзірге ешқандай ресми мәлімдеме жасалған жоқ.
Айта кетейік, Зидан футбол әлеміндегі ең беделді әрі танымал тұлғалардың бірі. Ойыншы ретінде 1998 жылы Франция құрамасы сапында әлем чемпионы атанды. Оның жетекшілігімен "Реал" екі рет Ла Лиганы жеңіп алып, екі рет Испания Суперкубогын ұтты. Үш рет қатарынан Чемпиондар Лигасының жеңімпазы болды.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
