ЖБ-шоу жобасының шығарылымы бұл жолы қазақтардың викингтерге қарсы «айқасына» арналды.
2016 жылғы Еуропа чемпионаты әлі есте шығар. Исландия өз тарихында тұңғыш рет кәрі құрлық додасына жолдама алып, кейін әлем көрермендерінің көзайымына айналған еді. Байрақты бәсекеде мұзды аралдың мықтылары жасаған перформанс ғаламтор арқылы шартарапты шарлап кеткен болатын. Викингтердің сол жорығына Қазақстан құрамасының да тигізген септігі бар көрінеді.
2015 жылдың қыркүйегінде ұлттық құрама Еуропа чемпионатының іріктеу кезеңінде Исландиямен кездескен болатын. Матч 0:0 есебімен тең аяқталып, исландықтар көптен күткен жолдамаға қол жеткізді. Ал, Қазақстан құрамасы бір ұпаймен елге оралды.
Бірақ сол бір ұпайдың тағдыры біраз бұрын келісіліп қойған дейді спорт журналисі Ермұхамед Мәулен. Қалай, не үшін? Жауабы ЖБ-шоудың жаңа шығарылымында.
