Бәрін бүлдірген өзі.
«Тоттенхэм» командасының жартылай қорғаушысы Родриго Бентанкур нәсілшілдік танытқаны үшін 7 матчқа шеттетілді. Бұл туралы Англияның Футбол қауымдастығы хабарлады.
Сонымен қатар, 27 жастағы уругвайлық футболшыға 100 мың фунт стерлинг көлемінде айыппұл салынды.
Айта кетейік, жазда уругвайлық телеарналардың бірінде жүргізуші Бентанкурдан «Тоттенхэм» ойыншысы Сон Хын Миннің жейдесін сыйлауды сұрайды. Бірақ ол қалжыңдап, бұл Сонның емес, бауырының жейдесі болуы мүмкін екенін айтады. Себебі «кореялықтардың барлығы бірдей көрінеді» деген. Кейін Бентанкур әріптесінен кешірім сұрады.
Ағымдағы маусымда Родриго Бентанкур «Тоттенхэм» үшін барлық турнирлерде 15 матч өткізіп, бір гол соғып, бір нәтижелі пас берді.
