«Дамакқа» қарсы ойында португалиялық ойыншы дубль жасады.
«Әл-Наср» клубының шабуылшысы Криштиану Роналду Сауд Арабиясы чемпионатының 12-турында командасына жеңіс әкелді.
«Әл-Наср» клубы «Дамакпен» ойнап, 2:0 есебімен жеңіске жетті. Екі голдың да авторы Роналду. Португалиялық футболшы әуелі бірінші голын 17-минутта пенальтиден соқса, 79-шы минутта есепті еселеді.
Осылайша, Криштиану Роналду өзінің әлемдік рекордын жақсартты – қазір португалдық шабуылшының кәсіби мансабында соққан 915 голы бар.
Айта кетейік, осы жеңістің арқасында «Әл-Наср» 25 ұпай жинады. Қазір аталған клуб турнирлік кестеде үшінші орында.
