45 жастағы қазақстандық маман талдықорғанның «Жетісу» тізгінін ұстайды.
KazFootball.kz мәлімдеуінше Самат Смақов кеше Талдықорғанда Жетісу облысының әкімімен кездескен. Аймақ басшысы маманды команданың бас бапкерлігіне тағайындады.
Бұған дейін Смақов «Астананың» техникалық директоры болған. Былтыр «Елімаймен» Премьер-Лигаға жолдама алған.
Ойыншы ретінде «Елімай», «Ертіс» , «Ростсельмаш» (Дондағы Ростов), «Жеңіс», «Қайрат», «Ақтөбе», «Ризеспор» (Түркия) және «Ордабасы» намысын қорғады. Ұлттық құрама қатарында ең көп ойын өткізген.
