Оралдық клуб биылдан бастап жұмысын тоқтатады.
Бұған клуб басшылығы мен БҚО әкімдігінің өзара келісімге келе алмауы себеп. Оралдық клубтың директоры Гүлдәрия Кәуиева мен өңір әкімдігі команданы бірлесіп басқару жөнінде ортақ бір шешімге келе алмаған себепті “Ақжайық” қаржылай қолдаудан қағылмақшы.
Осылайша облыстағы басты әрі жалғыз кәсіби футбол клубы өзінің өмір сүруін тоқтатқалы жатыр. Aladop.kz осылай жазады.
Қолда бар ақпаратқа сай, оралдық клубтың негізінде жаңа команда құрылады. Бұрынғы “Батыс” командасын қайта жаңғырту жоспары бар.
