ФИФА Қазақстан құрамасының шабуылшысы Абат Айымбетов өнер көрсететін "Адана Демирспор" клубына трансферлік тыйым салды.
Тыйым салу мерзімі екі трансферлік науқанға созылады. Шектеу бүгіннен басталды.
Түрік клубына 2024 жылдың мамыр айында жалақы төлеудегі тұрақты кідірістерге байланысты санкциялар салынған еді.
Айымбетов "Адана Демирспорға" 2024 жылдың ақпан айында ауысып келді. Шабуылшы түрік клубы үшін барлығы 23 матчқа қатысып, төрт голмен ерекшеленді. Қазір “Адана” Суперлиганың турнир кестесінде соңғы орында орналасқан. Команда 18 турда бес ұпай жинады.
