Түркиялық "Бешікташ" Ыстамбұлда Еуропа лигасының жетінші турында жаңа бас бапкер Уле-Гуннар Сульшердің жетекшілігімен испаниялық "Атлетикті" қабылдады.
Букмекерлер мен сарапшылар испаниялық команданы айқын фаворит деп есептегенімен, ыстамбұлдық ұжым 4:1 есебімен жеңіске жетті. "Бешікташ" сапында Милот Рашица (17-ші және 60-шы минуттар), Рафа Силва (77-ші) және Жоау Мариу (90+2, пенальтиден) мергендік танытты. Ал қонақтардан Унаи Гомес (45-ші) нәтижелі соққы жасады. "Бешікташтың" қазақстандық ойыншысы Бахтиёр Зайнутдинов кездесуді қосалқы құрамда бастап, алаңға 69-шы минутта шықты.
Дәл қазір "Бешікташ" тоғыз ұпай жинап Еуропа лигасының негізгі кезеңіндегі турнир кестесінде 28-орыннан 18-орынға көтерілді.
