"Реал" шабуылшысы Винисиус Жуниор Сауд Арабиясынан түскен тиімді ұсынысты терең зерттемек.
Бұған дейін бразилиялық ойыншыға беймәлім жергілікті клуб бес жылдық келісімшарт ұсынып, осы мерзім ішінде оған жалпы 1 млрд еуро жалақы төлеуге дайын болған.
Футболшы мұндай қомақты сома кез келген адамның басын айналдыратынын мойындап, сондықтан әрбір ойыншы осындай трансфер туралы ойланатынын айтты, деп хабарлайды RMC Sport журналисі Фабрис Хокинс.
Еске сала кетейік, Винисиус осы маусымда 28 матчқа қатысып, 16 гол соғып, он нәтижелі пас берген. Оның "Реалмен" қазіргі келісімшарты 2027 жылдың 30 маусымына дейін жарамды, ал ойыншының трансферлік құны 200 млн еуроға тең.
