Футбол аңызы келер жылы Бразилия футбол федерациясын басқаруға бекініп отыр.
Бразилиялық футбол аңызы Роналдо атақты италиялық маман Карло Анчелоттиді ұлттық құраманың бас бапкері ретінде көргісі келеді.
Relevo дерегіне сәйкес, Роналдо 2026 жылдың наурызында Бразилия футбол федерациясының (CBF) президенті лауазымына үміткер болуды жоспарлап отыр. Егер ол сайлауда жеңіске жетсе, ұлттық құраманың тізгінін Анчелоттиге сеніп тапсыруды көздейді.
Анчелотти «Реалды» тастап кете ме?
Қазіргі уақытта екі тарап арасында ресми келіссөздер жүргізілмеген. Роналдоның мақсаты – Анчелоттиді «Реалдан» кетуге мәжбүрлеу емес. Бразилия құрамасы 65 жастағы бапкерді тек оның мадридтік клубпен келісімшарты аяқталған соң немесе қызметінен кеткен жағдайда шақырмақ.
Анчелоттидің келісімшарты қашан аяқталады?
Қазіргі уақытта Анчелоттидің «Реалмен» арадағы келісімшарты 2026 жылдың 30 маусымына дейін жарамды. Егер осы мерзімнен кейін италиялық маман бостандыққа шықса, оны Бразилия құрамасының тізгінін ұстауға шақыру жоспарлануда.
Жаңа президент – жаңа стратегия
Роналдоның Бразилия футболына жаңа тыныс әкелу ниеті бар. Егер ол CBF президенті атанса, Анчелоттидің тәжірибесі мен тактикалық шеберлігін ұлттық құраманың жетістігіне бағыттауды көздейді.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
