"Престон Норт Энд" футбол клубы Англия кубогында "Уиком Уондерерсті" пенальти сериясында жеңіп келесі кезеңге шықты.
Турнирдің төртінші кезеңіндегі кездесудің негізгі және қосымша уақытында есеп ашылған жоқ. Пенальти сериясында "Престон Норт Энд" ойыншылары төрт соққыны дәл орындаса, қарсыластары тек екі рет нәтижелі болды.
Осылайша "Престон Норт Энд" Англия кубогындағы жарыс жолын жалғастырады, ал "Уиком Уондерерс" турнирден шығып қалды.
Айта кетейік, "Уиком Уондерерстің" иесі – қазақстандық миллиардер Михаил Ломтадзе. Ол 2024 жылдың мамыр айында клубтың бақылау пакетін сатып алған еді.
