Қазақстан ұлттық құрамасының жаттықтырушылар штабы 30 жастағы жартылай қорғаушы Георгий Жуковты қайта шақыру мәселесін қарастыруда.
Футболдан Қзақастан құрамасының бас бапкері міндетін атқарушы Әли Әлиев Жуковтың ұлттық командаға пайдасы тиетінін айтып, оның шақырылу мүмкіндігі туралы пікір білдірді:
"Марат Омаровтың өзі де Жуковты құрамаға қосу қажет болса, бұл мәселе қарастырылатынын жеткізді. Сонымен қатар Давид Лория мен Руслан Балтиев те бұл жағдайдан хабардар. Жуков – тәжірибелі ойыншы, егер барлық құжаттық мәселелер реттелсе, оның құрамада ойнауы маңызды. Ол халықаралық деңгейде ойын өткізген футболшы, әрі бізге мұндай тәжірибелі спортшылар қажет. Мен оның құрамамызға пайдасы тиетініне күмәнім жоқ", – деді Әлиев" Футбол жолы" басылымына берген сұхбатында.
Жуков соңғы рет Қазақстан құрамасына 2022 жылдың наурызында шақырылды. Ол кезде команда Ұлттар лигасының плей-офф кезеңінде Молдоваға қарсы ойнады. Қарымта кездесуде Жуков пенальти сериясында шешуші соққы жасап, Қазақстан құрамасына жеңіс сыйлады.
