Қазақстан құрамасының бас бапкері міндетін атқарушы Әли Әлиев YouTube-тегі "Спорт Пульс" арнасына берген сұхбатында ұлттық құраманы жас ойыншылармен толықтыру процесі қалай жүзеге асатынын айтты.
Журналист Әлиевтен жас ойыншылар құрама алдындағы міндеттерді орындай ала ма және команда нақты қашан жаңаратынын сұрады.
"Бізге құраманы жасарту қажет. Шабуыл шебі негізінен 25-26 жастағы ойыншылардан тұрады. Ортаңғы шепте Зайнутдинов, Оразов, Астанов, Есенбеков бар. Тек Асхат Тағыберген ғана 35 жаста.
Қорғанысқа келсек, Нұралы Әліп 26 жаста, Жұмаханов 22-де, Марочкин 32-де және Вороговский 30 жаста. Біз "жасарту" дегенде, толық жаңа құрам емес, оны "жаңарту" деп түсіну керек. Кейбір ойыншылар өз мүмкіндігінің шегіне жетті, ал біз жаңа, амбициясы жоғары футболшыларға мүмкіндік беруіміз қажет.
Сондықтан бүгінгі "жасарту" емес, "жаңарту" деген ұғым дұрыс келеді. Ал қақпашылар үшін 35 жасқа дейін жоғары деңгейде өнер көрсетуге мүмкіндік бар."
Әлиевтің айтуынша, жастарға жол ашу үшін ардагер ойыншылармен ақылдасып, құрамды біртіндеп жаңарту жоспарланған. Бұл процесс құрамның тұрақтылығын сақтай отырып жүзеге аспақ.
