Түркия чемпионатының 27-турында Ыстамбұлдың "Бешікташы" сенсациялық жеңіліске ұшырады. Өз алаңында ойнаған команда "Газиантепке" 1:2 есебімен жол берді.
Қазақстандық жартылай қорғаушы Бақтиер Зайнутдинов жарақатына байланысты бұл кездесуге қатыса алмады.
Кездесудің алғашқы жартысы алаң иелерінің бақылауында болды. 31-минутта Чиро Иммобиле пенальтиден дәл соққы жасап, "Бешікташты" алға шығарды.
Алайда, екінші таймда "Газиантеп" қарқынын арттырды. 60-минутта Арда Кызылдаг есепті теңестірді.
Қысым артқанымен, «Бешікташ» жеңілістен құтыла алмады
77-минутта қонақтар сапындағы қорғаушы Бруно Виана алаңнан қуылған соң, "Бешікташ" басымдыққа ие болды. Дегенмен "Газиантеп" аз ойыншымен де соңына дейін күресіп, күтпеген жеңіске жетті. 87-минутта Фуркан Соялп жеңіс голын соғып кетті
Бұл жеңілістен кейін "Бешікташ" 44 ұпаймен Түркия чемпионатының 4-орнында қалды. Ал, "Газиантеп" жеңісінің арқасында 35 ұпай жинап, 8-орынға көтерілді.
