Жақын арада Рауль Аллахвердиев Бельгияның «Гент» клубына ауысуы мүмкін.
Қазақстан жасөспірімдер құрамасының шабуылшысы Рауль Аллахвердиев кәсіби мансабын көп ұзамай Еуропада жалғастыруы мүмкін. Meta-ratings.kz дерегінше, 18 жастағы талант иесі Бельгияның әйгілі «Гент» клубымен келісімшартқа отыруға жақын.
Жоспар бойынша, Аллахвердиев сәуір айының бірінші жартысында Бельгияға ұшып барып, келісімшартқа қол қояды. Бастапқыда ол «Генттің» 21 жасқа дейінгі жастар командасында өнер көрсетеді.
Рауль кәсіби футболдағы алғашқы ойынын небәрі 15 жасында елордалық «Жеңіс» сапында өткізді. 2023 жылы Transfermarkt порталы оны жасы бойынша әлемдегі ең қымбат 50 футболшының қатарына қосып, 45-орынға орналастырды. Оның сол кездегі нарықтық бағасы 175 мың еуроға бағаланған – бұл өз жасындағы қазақстандық футболшылар арасындағы ең жоғары көрсеткіш.
Айта кетейік, Әзірбайжан футбол федерациясы да Раульге қызығушылық танытқан, алайда шабуылшы Қазақстан құрамасында ойнауды жөн көргенін айтқан.
Koninklijke Atletiek Associatie Gent – 1864 жылы құрылған Бельгияның танымал футбол клубы. Футбол командасы ретінде 1900 жылдан бастап жұмыс істейді. 1989/90 маусымынан бері Жоғары дивизионында өнер көрсетіп келеді.
Клубтың жетістіктері:
Қазіргі таңда «Гент» Бельгия чемпионатында бірінші орында тұр.
