2026 жылғы әлем чемпионатының іріктеу кезеңіндегі сәтсіз бастамадан кейін қазақстандық жанкүйерлер ұлттық құрама капитаны Асхат Тағыбергенге наразылық білдіруде. Әлеуметтік желілерде "Кетсей, Асхат!" деген хэштег кеңінен тарап, оның ойынына сын айтушылардың қатары артып келеді.
Футболсүйерқауым Тағыбергенді Уэльс құрамасына қарсы өткен ойындағы бірінші және үшінші голға кінәлі деп есептейді. Аталған матч 21 наурыз күні "Кардифф Сити" стадионында өтіп, қазақстандықтар қарсыластарынан 1:3 есебімен ұтылды. Бұл ойын — 2026 жылғы әлем біріншілігінің іріктеуіндегі алғашқы кездесу болатын.
Асхат Тағыбергеннің ойын өрнегі ғана емес, оның жалақысы да дау тудырып отыр. Шымкент қаласының әкімі Ғабит Сыздықбеков мәлімдегендей, футболшы ай сайын 20 миллион теңге алып отырады. Бұған қарамастан Тағыберген клубпен келісімшартты бұзудан бас тартып отыр. Бұл ақпарат та көпшілік арасында қызу талқыланып, сынға себеп болды.
Жанкүйерлер ұлттық құрама сапында жаңа есімдерге мүмкіндік беріп, тәжірибелі, бірақ сынға жиі ұшырайтын ойыншыларды біртіндеп алмастыру керек деп санайды.
