Қазақстан ұлттық құрамасының және "Астана" клубының қорғаушысы Александр Марочкин Лихтенштейнге қарсы өткен 2026 жылғы ӘЧ іріктеу матчынан кейін құрамадан ресми түрде кететінін мәлімдеді.
Марочкин жеңістен кейінгі сұхбатында матчтың басында командада қысым мен қобалжу болғанын жасырмады:
“Біз бұл ойында қалай да үш ұпай алуымыз керек екенін білдік. Соның әсерінен асығып, жиі қателестік. Алғашқы гол бәрін өзгертті – содан кейін ойын тұрақталып, бақылауға алынды”, — деді ол.
Марочкин Лихтенштейн қақпасына өзінің ұлттық құрамадағы алғашқы голын соқты. Ол бұл сәттің ерекше екенін атап өтті:
“Самородов пен менің арамызда жаттығуда келісім болған – ол қайда пас береді, мен қайда жүгіретінімді білетінмін. Таңдау болды: баспен соғу немесе аяқпен. Аяқты таңдадым – және гол соқтым.
Бұл менің ұлттық құрамадағы соңғы ойыным болды. Қоштасу матчында гол соққаным — керемет сезім. Қазір жастар өсіп келе жатыр: Қасым, Адока секілді жігіттер дайын. Енді олардың уақыты келді. Постты қабылдап, постты тапсырамын”, — деп мәлімдеді Марочкин.
