Әлем чемпионатына кім барады? Әзірге 7 құрама белгілі

2026 жылы АҚШ, Мексика және Канадада өтетін футболдан әлем чемпионатына қатысатын алғашқы жеті құрама белгілі болды.

Жолдаманы бірінші болып алғандар

Турнирдің қожайын елдері — АҚШ, Канада және Мексика — іріктеуден тыс, автоматты түрде чемпионатқа қатысу құқығына ие болды.

Іріктеу кезеңінде жолдама алған құрамалар

Іріктеу ойындарының нәтижесінде 2026 жылғы мундиальға қатысу құқығын келесі құрамалар жеңіп алды:

1. Жапония — іріктеу кезеңінен өткен алғашқы ұлттық құрама атанды.
2. Жаңа Зеландия — финалда Жаңа Каледонияны 3:0 есебімен жеңіп, турнир жолдамасына ие болды.
3. Иран — өз тобында Өзбекстанмен 2:2 есебімен тең ойнап, керекті ұпайды жинап, әлем чемпионатына тікелей жолдама алды.
4. Аргентина — 2022 жылғы әлем чемпионатының жеңімпазы бұл жолы Бразилияны 4:1 есебімен ұтып, турнирге қатысуды ресми түрде қамтамасыз етті.

2026 жылғы әлем чемпионатына барлығы 48 ұлттық құрама қатысады. Бұл — FIFA тарихындағы алғашқы кеңейтілген форматтағы мундиаль болмақ. Қазіргі таңда жолдаманы жеңіп алғандар саны — 7.