Ойын елордада өтеді.
Қазақстандық «Барыс» командасы бүгін Құрлықтық хоккей лигасындағы кезекті ойынын елордада Ресейдің «Динамо» командасына қарсы өткізеді.
Матч сағат 19:00-дe басталады. Оны «Qazsport» телеарнасы тікелей эфирде көрсетеді.
Жалпы, екі команда бұған дейін 35 мәрте кездескен. Соның 13-iнде «Барыс» жеңіске жетсе, қалған ойындар мәскеулік клубтың пайдасына шешілді.
Айта кетейік, биылғы маусымды елордалық команда сәтсіз өткізіп келеді. Осыған дейінгі жеті кездесудің алтауында «Барыс» қарсыластарына есе жіберіп қойды.
