Станислав Бочаров елордалық клуб сапында маусым соңына дейін өнер көрсетеді.
Шабуылшы Станислав Бочаров маусым соңына дейінгі мерзімге «Барыспен» келісімшартқа отырды.
Өткен маусымда Бочаров «Амур» командасында ойнады. 73 кездесуге қатысып, (14+26) нәтижелі ұпай жинады. Бірақ маусым аяқталған соң клубпен арадағы келісімшартын ұзартпай, нарыққа еркін агент ретінде шыққан болатын.
Құрлықтық хоккей лигасы аясында Станислав Бочаров жалпы 695 матч өткізіп, 124 шайба соққан. 148 нәтижелі пас берген. Соның арқасында 272 ұпай жинаған.
Айта кетейік, қазір «Барыс» бес ұпаймен Шығыс конференциясының турнир кестесінде соңғы яғни 12-орында тұр.
